Connect to Us LinkedIn Youtube RSS

11-2019 - KvK ta organisa un town hall meeting enfocando riba e Ruimtelijk Ontwikkelingsplan (ROP), ta invita pueblo empresarial pa bin comparti nan puntonan encuanto e ROP
  • PDF
  • Print
  • Email

Oranjestad – Diamars 12 di maart 2019 Camara di Comercio y Industria di Aruba (KvK) lo tin su “Aruba Chamber Town Hall Meeting on ROP”. Esaki lo tuma luga di 6:00PM pa 8:00PM den auditorio di KvK. KvK kier pone enfasis riba e importancia pa e sector empresarial duna nan aporte riba e formulacion di e Plan Preparatorio di Desaroyo Espacial 2019, pues e Ruimtelijk Ontwikkelingsplan (ROP). Comunidad di Aruba tin te cu dia 15 di maart proximo pa entrega nan carta cu puntonan di bista encuanto e ROP. KvK kier haci uso di e oportunidad aki pa haya mas hopi puntonan di importancia cu ta relevante pa inclui den un carta encuanto e formalisacion di ROP.

Mas informacion riba e ROP

Un ROP ta contene e vision di gobierno over con lo desaroya e areanan di Aruba. E ta duna forma na e maneho pa desaroyo espacial. Un ROP ta wordo componi door di e Minister concerni y tin un duracion di 10 aña. Unabes cu e ROP wordo formalisa lo mester continua cu desaroya e ROPv cu ta describi e parti huridico cu tur hende mester cumpli cune. Pa por ta miho prepara pa e town hall meeting bo por bishita e website https://aruba-ro.nl of www.dip.aw caminda tin tur documentacion cu ta relaciona cu e ROP.

Registra pa e town hall meeting

E evento di KvK aki ta uno gratis y durante esaki tur participante por comparti nan pensamento riba e ROP. E participantenan por elabora riba nan puntonan cu e Directiva di KvK y lo tuma nota di tur esaki. Ta pidi si pa por fabor registra bo presencia via This e-mail address is being protected from spambots. You need JavaScript enabled to view it pa bo ta sigur di tin bo luga den e auditorio.

Pa mas informacion por tuma contacto via This e-mail address is being protected from spambots. You need JavaScript enabled to view it of yama na 582-1566 ext. 27/35/42/30.

Aruba, 8 di maart 2019

Camara di Comercio y Industria (KvK)

alt

 
 

By orbitalnets.com