Connect to Us LinkedIn Youtube RSS

19-2017 - KvK kier comparti informacion di registracion pa negoshi nobo
  • PDF
  • Print
  • Email

E SECTORNAN CU A RESALTA MAS DEN E ULTIMO AÑANAN

Oranjestad – Aruba su economia ta depende di gran parti riba e sector turistico. Pa e desaroyo di nos pais e ta importante pa crea mas diversificacion pa asina tin menos dependencia riba e pilar economico aki. Mundo ta cambiando y esaki ta trece cune desaroyonan y tecnologia cu ta crea mercadonan di producto y servicio nobo. Pa un negoshi tanto existente como un nobo, e ta esencial pa keda inovativo pa por progresa y sigui haci ganashi.

KvK kier trece dilanti e sectornan cu den e ultimo añanan a mira mas registracion pa negoshi nobo. Esaki ta duna un indicacion di cua sectornan tin e interes di e empresario cu ta mira oportunidadnan di cuminsa un negoshi.

E ta importante pa si bo kier cuminsa un negoshi cu bo ta na altura di e situacion di e mercado cu bo kier drenta. E empresario mester tene consideracion e factor cu ta e competido. Mester tin bon na cuenta e cantidad di competidonan den e mercado y ken esakinan ta pa asina defini bo strategia pa subi e mercado.

 

Aruba, 2 mei 2017
Camara di Comercio y Industria (KvK)

 

 

By orbitalnets.com