COMPOSICION DI CBB PA ELECCION 2009
REGLANAN LEGAL CU TA REGARDA ELECCION
CONVENIO FIRMA CU PARTIDONAN POLITICO
CONVENIO FIRMA CU MEDIONAN DI COMUNICACION
FORMULARIO PA REGISTRACION
COMISION BON BOLUNTAD ta un iniciativa di gremionan comercial y sindical - den cuadro di nan responsabilidad civico - pa duna aporte na e proceso electoral y e sistema democratico arubano. E miembronan di comision ta representativo pa diferente gremio di sociedad y ta traha a base voluntario.
Meta principal di e comision ta pa logra un campaña electoral limpi, transparente y di nivel. Manera pa logra esaki ta garantiza oportunidad igual pa cada partido político durante e proceso electoral y evita actonan di violencia, di destruccion o cu ta stroba partido politico di funciona.
E comision tabata activo durante e eleccionnan pa miembro di Parlamento na aña 1994, 1997, 2001 y 2005. Disponibel pa mira ta e documentonan di ultimo eleccion, cual ta e convenio cu partido politico y un evaluacion ambos di e campaña electoral 2005.
COMPOSICION DI CBB PA ELECCION 2009
Na april 2009 a re-activa e comision en conexion cu proximo eleccion, oficialmente stipula pa dia 25 di september 2009. Miembro di e comision ta:
Comision Miembro Suplente Presidente Lydia Emerencia
Dunador di trabao Ernst Mohamed
Sindicato Ireno Valdes (vice -presidente)
Rudy Geerman
Enseñanza Ava Thode
Cornelis (Kees) de Jong
Clero Pader Jairo Maduro
Pader Daniel Szpila
Cuerpo Policial Peter de Witte
Errol Zebeda
Parlamento Hubenil Leanne Geerman
Liaison cu Prensa Birgit Kreykenbohm
Secretario Lorraine de Souza
Leo Maduro
TAREA DI E COMISION:
I. ACUERDONAN:
- Formula un Convenio Electoral pa partido politico y haya e acuerdo di partido politico
- Formula un Convenio di Conducta pa medio di comunicacion y haya e acuerdo di medio di comunicacion
II. INFORMACION & FORMACION
- Duna publico general informacion di e dos convenio
- Conscientisa y motiva publico en general tocante importancia di un campaña limpi
- Informacion na prensa tocante reglanan legal vigente pa tempo di emision paga na radio y television
- Informacion na publico tocante stipulacion legal cu ta regula campaña
- Encuentro cu stakeholder/partner pa nan aporte y idea pa cu informacion y formacion (Conseho Electoral, presidente di fraccion)
- Informacion na Parlamento en cuanto legislacion necesario y deseonan relaciona cu eleccion
III. CONSEHO PA UN CAMPAÑA LIMPI
- recaudacion di fondo pa campaña
- con pa anda cu donacion
- con pa presenta un programa di partido
- con pa vota
IV. MONITOR/CONTROLA CUMPLIMENTO Y ‘DENUNCIA’
- desaroya un instrumento pa registro di keho, desaroyo positivo y recomendacionnan
- desaroya un instrumento pa evaluacion di keho
- observacion propio y investigacion di practicanan di campaña di tur partido
- acepta keho di otronan (por ehemplo di e partidonan/persona di contacto di partido)
- evaluacion di keho den seno di e comision
- procedimento di ‘hoor en wederhoor’ (delibera esaki cu e mesun partido o persona di contacto di partido)
- raportahe/proces verbaal
- denuncia: con, ki ora