Oranjestad – Dialuna dia 29 di
augustus 2005, Camara di Comercio y Industria ta lanza su campaña pa
concientiza e pueblo di Aruba en general tocante e tema di Capacidad di Carga y desaroyo sostenibel.
E campaña aki ta dividi den tres
parti enfocando riba famia, prosperidad economico y e calidad di bida.Tambe e
ta enfatisa riba e importancia di e concepto aki pa Aruba, nos hendenan, nos
yuinan y nietonan. Un di e metanan tambe ta pa motiva comunidad pa participa
den e campaña.
Pa e campaña aki Camara di
Comercio y Industria a introduci un logo special esta
- E triangulo cu ta representa Aruba y alaves e logo di Camara di Comercio y
Industria;
- E tres personan ta representa
e habitantenan di nos isla di tur edad, homber y muher, hoben, tur tres mirando
na e mes un direcion, cual ta simbolisa cu nos tur tin e mesun vision, esta e
prosperidad di nos isla;
- E man cu ta carga Aruba y su hendenan ta
ilustra e capacidad di carga.
Den e siman venidero
representantenan di Camara di Comercio y Industria lo duna entrevista na radio
y na television splicando mas di e tema aki y e importancia di Capacidad di
Carga y desaroyo sostenibel pa cu Aruba y su hendenan. Tambe e pueblo di Aruba
lo recibi un brochure, splicando e concepto. E tv spoty
radio spot pa pa enforsa e tema . Dia 8 di September lo ta bai tin un EXPO na
Biblioteca National Oranjestad cu lo hiba e tema: ta e Desaroyo econimico di
Aruba. E ultimo parti di e Expo lo
concentra mas riba e tema di Capacidad di Carga y desaroyo sostenibel. E
pregunta crucial di e campaña aki ta kico nos kier pa nos futuro, unda nos kier
bai, con nos kier logra esaki?
Aruba su futuro ta BO
responsabilidad tambe! Cumpli cu bo
parti!
25 di augustus,
2005